QUID PETIS ?

Se sape ca li preveti fra de iddhri se parlanu cu llu latinu, ccussine li fedeli nu ccapiscenu nienzi te quiddru ca se sta ticenu.

Alli tiempi te papa Cajazzu era comu ete moi.

Nna fiata papa Cajazzu ia statu mandatu te lu escuu te Lissanu a Roma cu bba ttroa lu papa cu lu canunecu Scarpazza ca era lu superiore te papa Cajazzu,pe stu fattu nnanzi llu papa era propiu iddhru ca ia pparlare e papa Cajazzu sia bbutu stare cittu.

Rriati llu vaticanu, scera ll’ utenzia te lu papa te Roma e strata fascendu, lu caalieri ca li sta ccumpagnaa ni fisce le raccumandazzioni te comu sianu cumportare cu llu santissimu.

Lu caalieri ni tisse puru ca lu papa fascia sempre ddo dumannde,la prima era cu ssaccia ci eranu e la secunda ni ddummandaa cce bbulianu.

Lu canunecu Scarpazza se preparau cu respunda a ste ddo dumande.

Rriati ca fosera nnanzi llu papa, quisto invece cunni ddummanda prima ci eranu, ddummandau invece cce bbulianu:

- “ Qui petis ab ecclesia dei ? “

Lu Scarpazza ca nu ia capitu nienzi, respuse comu se lu papa ni ia ddummandatu ci eranu :

- “ Canonicus Scarpazza ecclesiae Alessani “

Lu papa rimase cu lla ucca perta ma ose cu saccia ci eranu sti prieveti e nni ddummandau ci eranu :

-” Quomodo tu vocaris ? “

Lu canunecu Scarpazza ca sia mbambulatu, cuntinuau cu rrespunde llu modu ca sia preparatu peccomu nia tittu lu caalieri “ ddummandu nn bbaciu te lu sommu pontefice “:

“ Osculere petem sommi pontificis “

Lu papa ca ia capitu tuttu, se mise a ritere, a stu puntu lu papa Cjazzu se fisce nnanzi e ni tisse:

“ Sancte pater, pes aut manus petus vobis benedictionem nostra terrae Lucugnani “

“ Benedicto, benedicto sii terrae Lucungnani “ ni respuse retendu lu papa.