e pe lla festa te la taranta
inne e Lecce nnu studiosu
ca te ste cose era curiosu,
ncignau cu ggira pe lli paisi,
fra le chiesure e mmassarei
e sciu puru mmienzu lli fiei.
Quandu rriau a Galatina,
nella panisola Salentina,
era la festa te li ddo santi,
e ddhrai se ttruau a nnanti
ca parianu indemoniate,
tutte quante ddhre tarantate
ca bballanu comu pacce
e stravolte parianu te facce.
E nna danza te guarigione
ca paria nna dannazione,
era tantu coinvolgente
ca facia ballare sta gente.
Osce li tiempi anu cangiati
e tanti turisti mo su rriati,
ca ole ssapenu comu ete sta Pizzica
e bbole bballanu stu ritmu ca stuzzica
Tamburrelli e fisarmoniche,
li violini cu lle armoniche
mo li sonanu su nnu palcu,
a mie me pare nnu catafalcu,
e nce puru la televisione
ca te moscia la situazione,
cu migghiare te cristiani
ca se mmoenu comu marziani.
Nu mme piace criticare
ma ieu l' aggiu ppropriu tire,
tutta sta storia nu mme piace
e nu mme tae la pace,
osce sta pizzica è commerciale
pe llu turista c' ha pacare.
Nessun commento:
Posta un commento