PROVERBI E DINTORNI - li culacchi te papa Cajazzu

                                Ieu suntu papa Cajazzu, fasciti comu ieu bbu ticu,
                                              ma nu fasciti comu ieu fazzu

LU LUPU E LA PECURA

Lu bonsignore te Lissanu, quandu ia pigghiare sordi te li prieveti soi, era sempre mutu ggenerosu, pe stu fattu, li nvitaa a nnu bbanchettu chinu te rrobba bbona e bbera puru mutu scherzusu.

Papa Cajazzu pe stu fattu, ia statu nvitatu, percene lu bonsignore ulia nni futte nnu picca te sordi;

frattantu ca stianu ssettati a ntaula, lu bonsignore ddummandau a papa Cajazzu se ni paria ca iddhro era nnu bbuenu pasture pe lla diocesi .

Papa Cajazzu, ca se sta spettaa sta dumanda ni respuse :

" Certu ccellenza, tegnu tante proe ca ssignuria sai pelare bbone le pecure toi ".

Lu caudatariu te lu bonsignore, a stu puntu, siccomu ia capitu la ntifuna cu llu defenda, tisse :

" Ma ssignuria, arciprievete, te sta scerri te lu cane "
" Te lu cane - respuse papa Cajazzu - Ma quandu nci sinti tie canonicu, a mmie me pare ca bbasta "!

IL LUPO E LA PECORA

Il vescovo di Alessano, quando doveva riscuotere dai preti che da lui dipendevano, era sempre molto generoso, perciò li invitata a pranzo con ottime libagioni ed assumeva pure un tono affabile e cortese.

Per questa ragione, un giorno, papa Galeazzo era stato invitato dal vescovo che sperava di spillargli un po' di danaro; mentre erano seduti a tavola, il vescovo chiese a papa Galeazzo se lo ritenesse un buon pstore per la diocesi.

Papa GGaleazzo, che già si aspettava questa domanda, rispose :

" Certo eccelllenza, ho tante prove di come lei sappia pelare le sue pecore ".

Il caudatario del vescovo, capito l' antifona e volendo difenderlo disse :

" Ma voi, arciprete, state dimenticandovi del cane "?

" Del cane - aggiunse papa Galeazzo - Ma quando ci siete voi, signor canonico, mi sembra che basti "