si lu pane, mo te bbinchia
ma lu cervieddhru a tie te campa,
ieu però nun ci cretia,
stu pruverbiu me pare minchia
ci nu mmangia, comnu campa ?
Siccu, siccu poi tie sculi
senza nnu piattu te pasuli,
o nna bbeddhra parmiggiana
cundita poi cu tantu grana,
e le sagne 'ncannulate
cullu sucu, caute, caute ?
E le patate a tajeddhra
o..... capunata la freseddhra ?
che delizia pe llu palatu
l' auniceddhru poi stufatu
ca te ccueji cu lli mani ?
Ae menz' ura c' aggiu mangiatu,
ma a parlare te ste cose,
a mie me torna l' appetitu:
spescialmente poi ci pensu
a ddhra bbona cutugnata
o nna bbeddhra ' ncarteddhrata
Cari amici tocca llassu,
senò allu cane ni futtu l' essu,
ca la fame sta mme torna,
e mugghierema, poi se scorna
ci ni itenu alla chiazza
ressu, ressu e tutta panza.
Nessun commento:
Posta un commento