Bbu servenu le fae janche senza scorza, quante nde uliti ; prima te tuttu tocca mmentiti a bagnu le fae pe tutta nna notte cu l' acqua fridda ccussì se rremoddhranu.
La matina le sciaccquati e le mentiti intra nna cazzalora te crita, china te acqua, cu ccopre le fae, copriti cu llu cuperchiu e mentitile subbra llu fuecu, me raccumandu ca lu fuecu à bbessere beddhru forte, forte; quandu l' acqua sta bolle, le fae caccianu la scuma ca tocca nde lliati, dopu ca ndati lliata tutta la scuma, tandu tocca mentiti lu sale.
Ggirati fotre le fae cu nna cucchiara te taula e bbetiti ca se sta spaccanu, mmescatile bbone, cu sse spaccanu tutte, manu a mmanu ca se cunsuma l' acqua iddhre se spaccanu megghiu, sciungiti nn' autru picca te acqua bbollente e mentiti la cazzalora cu tuttu lu cuperchiu intra llu furnu finchè nu ddentanu nna crema.
Intantu subbra llu fuecu ati bbollite le cecureddhre ca ati ccote a ccampagna culle ulie niure ca teniti sutta sale a ccasa e nnu picca te tiaulicchiu.
MMenesciati le fae cu lle cecore e purtatile a ntaula, cu nnu filu te uegghiu subbra lle fae, nnu beddhru bbicchieri te mieru russu ca face bbuenu lu sangu, e ddo crostini te pane te ranu rustutu o megghiu ncora frittu intra ll' uegghiu.
Sicuramente nnu piattu ca bbu tice mangiame, mangiame.
Nessun commento:
Posta un commento