PROVERBI E DINTORNI - li culacchi ta papa Caliazzu

Ieu suntu papa Caliazzu, fasciti comu ieu bbu ticu ma nu ffasciti comu ieu fazzu

Lu bbarone te Lissanu tenia nnu fattore a Lucugnanu ca quandu rriaa lu mumentu, scia 'ngiru pe llu fieu cu ccoje li sordi te quiddhru ca ianu ccuetu li culoni, e bbera tantu tristu ca ci nu nni tianu quiddhru ca iddhru ulia, eranu tulori pe ddhri pueri culoni.
Quandu poi se nde scia, eranu sempre tante le sajette ca ni teranu a rretu, nnu ggiurnu, a ncelu quarche tunu le sentiu e propiu quandu sta cuntaa li sordi ca ia ccueti, cu lli sparte cu llu bbarone, ni inne nnu cuerpu ca ni fisce perdere l' usu te nna manu e te l' anca sinistra.
Fose chiamatu lu mietecu ca tisse cu chiamanu lu bbarbieri cu nni fazza nna sagnia, siccomu paria ca stia propiu fiaccu, pe scrupulu chiamara puru lu rciprievete te Lucugnanu, papa Caliazzu.
Lu bbarbieri rriau ddhrai cu lle sanguette ca ulia cu nni  le minte ma papa Caliazzu ni tisse ca era meju la sagnia cu nni la fazza iddhru, lu bbarbieri ni ddummandau allu rciprievete ci ncera quarche rraggione ca nu nni putia mintere le sanguette, allora papa Caliazzu ni respuse intra nna ricchia:
" Ci cane nu mmangia cane, comu uei ca nna sanguetta pote sucare nn' aura sanguetta cchiu rossa te iddhra "?

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

Il barone di Alessano, aveva, a Lucugnano, un fattore che dopo i raccolti, si recava presso i coloni sparsi nel feudo a raccogliere  le decime dovute al barone, egli era così cattivo che se i coloni non gli davano ciò che pretendeva,passavano guai seri.
Perciò, quando andava via, erano tante le bestemmie che si portava appresso, un giorno, forse qualcuno in cielo le sentì ed intervenne a favore dei poveri coloni, infatti, proprio mentre stava contando i denari da spartire col barone, fu colpito da un colpo che gli fece perdere l' uso di una mano e della gamba sinistra.
Fu chiamato il medico che disse di chiamare il barbiere perchè facesse un salasso, ma pochè la situazione sembrava veramente grave, fu chiamato anche l' arciprete di Lucugnano, papa Galeazzo.
Il barbiere giunse portando con se le sanguisughe e, mentre stava per metterle addosso al paziente, papa Galeazzo disse che forse sarebbe stato meglio che il salasso lo facesse direttamente il barbiere, che chiese, stupito a papa Galeazzo se ci fosse una particolare ragione perchè non poteva usare le sanguisughe, allora papa Galeazzo gli disse in un' orecchio :
" Se cane non mangia cane, come vuoi che una sanguisuga possa mangiarne una più grossa di lei " ?