Nnu giurnu, lu lione, ca era lu rre te tutti li nimali,se ntise fiaccu ca paria ca sita te nnu mumentu ll' autru cu mmore, tutti li nimali scera llu bba troanu cu ssaccianu comu staie, la urpe pensau ca mmienzu a tuttu ddhru casinu, nisciunu se nd' accurgia se iddhra nu nci scia, e ccussì figge.
Lu lupu, ca ete lu cerrimo nimicu sou, però se nde ccorse, e siccomu nu lla putia popriu ddeggerire, ncignau cu lla sciutica nnanti a tutti, tescendu ca nu tenia nisciunu rispettu, lu lione, stu fattu se lu ttaccau llu tiscetu.
La urpe sippe te quiddhru ca ia successu, e pensau comu ia ffare cu sse la scunta, allora cce fisce ? se menau intra lla mota e sse rutulisciau bbona bbona, poi se menau tanta purvere subbra e ccussine,tutta nfannata, se presentau allu lione e nni tisse:
" Maestà, aggiu saputu ca stivi fiaccu e maggiu preoccupata mutu percene la salute toa me stae mutu a ccore, ave tre giurni ca sta bbau an giru pe tutti li posti a ddu ncera nnu duttore a ni ddummandaa a tutti cce putia fare cu tte fazzu sanare.
Li duttori mane tatu st' unguentu cu tte lu friculi a ddunca te tole e dopu te tocca cu tte lu nfassi cu nna bbeddhra curiscia ".
Ccussine tescendu, la urpe ni tese nnu picca te rassu te puercu cu sse lu sparma.
Lu rre allora, tuttu cuntento nci tisse lla urpe :
" Ma te ddunca pozzu pijare la curiscia cu mme nfassu " ?
La urpe ni tisse ca putia squartare quarche nnimale, ma nianu tittu ca la pelle te lu lupu era la meju ca ncera.
Lu rre allora nci ddummandau :
" Ma quantu ave bbessere larga sta curiscia " ?
E la urpe nci tisse ca quantu cchiù llarga era, te cchiui ni nfassaa lu tulore.
A stu puntu lu lupu tisse :
" Eh si, a ccoru t' addhri curiscia larga "! ca ole ddica ca cu lle cose te l' autri nisciunu bbada a spese.
Pe stu fattu, stu tittu ddentau nnu pruerbiu te li nesci.
Stu cuntu ete tantu, ma tantu ecchiu ca lu scrisse Esopo ca era nnu favolista te la Grecia ca ia natu cinquecentu anni prima te cristu .
VERSIONE IN ITALIANO
CINGHIA LARGA, CON LA PELLE ALTRUI
Un giorno il leone, che era il re degli animali, si sentì tanto male che sembrava stesse da un momento all' altro per morire, tutti gli animali andarono a sincerarsi delle sue condizioni, tranne la volpe che pensò che in quel trambusto, nessuno si sarebbe accorto della sua assenza.
Il lupo, che era il suo acerrimo nemico, però notò il fatto ed iniziò a sparlare dicendo che essa non aveva alcun rispetto, il leone si legò questo fatto al dito.
La volpe, saputo quanto detto dal lupo, pensò a come vendicarsi e scusarsi col leone, e cosa fece ?
si buttò in una pozza di fango e vi si rotolò tutta, poi si versò della polvere addosso e così, tutta ansimante, si presentò al cospetto del leone dicendo :
" Maestà, ho saputo che stavi male e mi sono preoccupata perchè la tua salute mi sta molto a cuore, son tre giorni che giro per tutti i posti dove vi son dei medici chiedendo cosa fare per aiutarti a guarire.
I medici mi hanno dato un unguento da spalmare dove hai dolore, e dopo, dovrai fasciarlo con una fascia di pelle ".
Ciò dicendo, la volpe gli diede del grasso di maiale da spalmare.
Il re tutto contento chiese alla volpe :
" Ma da dove prendo la cinghia di pelle ? "
La volpe aggiunse che avrebbe potuto scuoiare qualche animale, ma che quella del lupo, le avevano detto fosse la migliore.
Il re le chiese ancora :
" Ma quanto deve essere larga questa cinghia ? "
E la volpe rispose che quanto più larga sarebbe stata, meglio avrebbe fasciato la parte dolorante.
A questo punto il lupo disse :
" Eh si ! Cinghia larga con la pelle degli altri " che significa che nessuno bada a spese con la roba altrui.
Da questo episodio si dice sia nato questo proverbio Salentino.
Questa favola è tanto, ma tanto vecchia, fu scritta da Esopo che era un favolista greco vissuto nel V° sec. a.c..
Nessun commento:
Posta un commento