LU NGIURU
La pruincia te Lecce ete mutu rande e puru se lu tiaettu ete sempre lu nesciu, po' cangiare te nna zzona cu n' autra e nu sempre nui riuscimu cu nni capimu percene le parole nu ssuntu le stesse, bbu fazzu nnu ssempiu, a Lecce nui tescimu ha chiuutu, mentre mmera lla zzona te Carpignanu, Serranu ticenu ave chioppetu ?.
Ncete però nna cosa ca ete la stessa addunca vai, vai.
Finca a quarche tescina te anni rretu se scii intra nnu paise cu cerchi quarche cristianu ca nu canuscii e tenii sulu lu nume e lu cugnume te ddhru cristianu, o purtai nnu culu ressu comu nna casa, o senò nde putii fare mmenu cu bba llu cerchi, e mancu la sula uardi ca ncera intra ddhru paise te putia iutare; se scii te matina pote darsi ca eri furtunatu e ttruai lu postinu cu tte tica ci era ddhru cristianu, o senò te tuccaa cu ggiri tuttu lu paise cercandu quarche tunu ca lu canuscia bbuenu percene forse era nnu frate o nna soru te quiddhru ca te servia senò nu llu ttruai mai.
Intra lli paisi la ggente se canuscia sulamente cu llu ngiuru; intra li paisi, randi o piccicchi ca putianu essere tenianu tutti lu ngiuru, e, statte sicuru ca se tie sapii lu ngiuru ttruai lu cristianu a cinque menuti, e cinca ii ddummandatu era capace puru ca te ccumpagnaa alla casa te cinca te servia .
A San Cassianu, me recordu ca ncera ggente ca comu ngiuru fascia Lu Picazza, o puru Lu Pica d' oru, ma ncera puru Lu Pica muzza, te bbastaa cu ssacci lu ngiuru e tutti li probblemi eranu spicciati.
San Cassianu era nnu paisieddhru picciccu, ma puru intra lli paisi randi comu a Nardò la sunata era sempre quiddhra e se ddummandai a quarche tunu :
" Scusa sai a ddu abbeta lu signor Rossi Mario " ?
Te sentii sempre respundere :
" Sai comu se ngiura " ?
Se nu lla sapii te nde putii turnare a ccasa toa.
IL SOPRANNOME
La provincia Leccese è molto grande,ed anche se il dialetto del grande Salento è più o meno uguale, molte parole però cambiano da una zona con un' altra ad esempio, mentre noi a Lecce diciamo ha piovuto nella zona di Carpignano, Serrano si dice ave chioppetu ?
C' è però un' usanza che accomuna tutti i paesi del Salento Leccese.
Fino a qualche decina di anni fa, se avevi bisogno di recarti in qualche paese per cercare qualcuno che non conoscevi, e del quale conoscevi solo il nome ed il cognome, o avevi una gran fortuna sfacciata, oppure potevi desistere a priori dall' impresa,
se era di mattina ed eri fortunatu a trovare il postino del luogo che ti idirizzasse sulla giusta via, oppure dovevi sperare di trovare in giro qualcuno che lo conoscesse molto bene, neppure l' unico vigile di quel paese era sempre in grado di aiutarti il postino però era l' unico in grado di aiutarti.
Nei paesi la gente si conosceva unicamente per soprannome; nei paesi, grandi o piccoli che fossero, tutti avevano il loro soprannome e se conoscevi questo, era garantito che riuscivi a trovare chiunque nel giro di pochi minuti, e magari trovavi pure chi ti accompagnasse direttamente a destinazione.
Ricordo che a San Cassiano, c' era gente che come soprannome era chiamata Lu Picazza, oppure Lu Pica d'oro, ma c' era pure Lu Pica muzza.
San Cassiano è un paesino molto piccolo, ma anche in paesi molto più grandi come ad esempio Nardò, la campana aveva sempre lo stesso suono e, se chiedevi a qualcuno :
" Scusi, sa dove abita il signor Rossi Mario " ?
Ti sentivi sempre rispondere :
" Conosci il soprannome " ?
Se non lo conoscevi, potevi sempre tornartene a casa.
Nessun commento:
Posta un commento