PROVERBI E DINTORNI - li culacchi te papa Cajazzu

Ieu suntu papa Cajazzu

fasciti comu ieu bbu ticu

ma nu fasciti comu ieu fazzu

QUAI STAE LU BUSILLIS

Lu figghiu te lu fattore te la contessa te lu Cugnanu, ca stutiaa llu simmenariu, ia statu nvetatu cu ssiste lle funzioni te la semana santa e cu canta lu Nabuccu intra lla chiesia matrice pe lla ddumineca te pasca.
Era quistu nn' unore rande pe lla parentera te lu vagnone, e sta spettaa ddhru ggiurnu cu llu pozzanu ssentere.
Papa Cajazzu, ose cu prua la canzune llu cimbalu ca tenia ccasa lu bbarone te Lissanu.
Ncignau ccussine lu uagnone, cu fazza bbitere ca sapia bbuenu lu latinu, cu spieca nnanti llu bbarone e llu papa Cajazzu dhra canzune :
" In diebus illis " ( a ddhri tiempi )
Lu bbarone, ca picca nde sapia te latinu, se utau, cittu cittu ppapa Cajazzu e nci ddummandau :
" Cce bolenu dicenu ste palore in die busillis " ?
Papa Cajazzu,ca comu sapimu lu latinu lu mmastecaa picca e filu, quasi quantu llu bbarone nci respuse  :
" Indies Indies Indie, ete la reggione ca ave ppena scuperta Cristoforu Culombu "
" E bus illis? "  nci ddummandau ncora lu bbarone                    
" Busillis, busillim, busillis - respuse Papa Cajazzu - Eh caru bbarone, popriu cquai stae lu bbusillis! "

QUI STA IL BUSILLIS

Il figlio del fattore della contessa si Lucugnano, studente presso il seminario di Alessano, era stato invitato ad assistere ai riti della settimana santa ed a cantare il Nabucco nella chiesa madre del paese la domenica di pasqua.
Era questo un grande onore per la parentela del ragazzo che attendeva con ansia quel giorno per poterlo acoltare.
Prima dell' esibizione pubblica, papa Galeazzo, volle fare delle prove  con il cembalo che era nella casa del barone di Alessano.
Iniziò così il giovane, che voleva far vedere di conoscere bene il latino, a spiegare a papa Galeazzo e al barone :
" In diebus illis " ( in quei tempi )
Il barone, che non conosceva il latino, chiese sottovoce a papa Galeazzo :
" Cosa significano queste parole, In die busillis " ?
Papa Galeazzo, che, come ben sappiamo, di latino lo masticava poco, quasi quanto il barone, gli rispose :
" Indies, Indies, Indie è la regione che ha appena scoperto Crisoforo Colombo".
" E busIllis" ? -  chiese ancora il barone
" Busillis, busillim, busillis - rispose papa Galeazzo - Eh caro barone, proprio qui sta il busillis ! " .