LI CULACCHI TE PAPA CALIAZZU

 Ieu suntu papa Caliazzu, fasciti comu ieu bbu ticu

ma nu ffasciti comu ieu fazzu

Nna sira, lu bbarone te Lucugnanu ca Carlu V° nia rrecalatu nnu quatru sou e ca iddhru ia mpisu subbra llu focalire, lu sta musciaa a tutti quiddhri ca ncerane e ca ulianu llu iscianu,parlandu te lu rre, lu bbarone te Lucugnanu sta ddescia:
" Uardati cce bb' ete bbeddhru lu rre e quantu ete mutestu, ca nu sse minte mancu li uanti cu bbascia subbra llu caadhru ".
Papa Caliazzu, ca stia ddhrai cu tutti l' autri, respuse:
" Eh si ! nu sse li pote mintere ca senò comu fasce cu lle tene sempre intra lle paute te li contribbuenti " ?

Una sera, il barone di Lucugnano, che aveva ricevuto in dono dal re Carlo V° un quadro equestre che raffigurava il sovrano, e che lui aveva posto nel salone centrale sopra il camino, stava illustrando quel dono ai suoi ospiti e decantava anche le doti di modestia del re, infatti il Barone disse fra l'altro :
" Guardate quanto è bello il re e quanto è modesto, non indossa neppure i guanti, per andare a cavallo ".
Papa Galeazzo, che era anche lui ospite del barone, rispose :
" Non può usarli, come farebbe altrimenti a tenerle sempre nelle tasche dei contribuenti " ?