PROVERBI E DINTORNI - bbu aggiu zzeccare pe ncanna

RANU STUMPATU CU LLI PASULI

Cce bbu serve :
Nnu pugnu te ranu siccu pe quanti suntu li cristiani ca anu mmangiare,
nna cucchiara te marsala,
nna bbedhra suppa te pasuli cannellini cu llu brodu, nnu cuppinu pe ogne cristianu e nnu paru te cuppini pe ffare lu purè,
100gr. te pancetta nffumecata,
nnu fungiucculu te agghiu, uegghiu te ulia nesciu, nnu cuppinu te salsa te prumitori, petrusinu, sale e pipe  niuru ;

Comu ati ffare :

La sira prima llu cuacenati, pigghiati lu ranu e mentitilu a bbagnu intra ll' acqua fridda pe 12 ure minimu.
Pigghiati nna cazzarola o nna pignata e mentiti intra muta accqua salata cu bbollisce,  pigghiati lu ranu, sciacquatilu e calatilu intra ll' acqua bollente cu sse llessa; quandu sà cuettu, sculatilu e mentitilu te parte.
Mò pigghiati nna cazzarola, mentitini intra mienzu bbicchieri te uegghiu EVO ( ieu ticu sempre te quiddhru nesciu, ca te ulia ete te sicuru ) e nnu fungiucculu te agghiu cazzatu, fascitilu friscere e poi lliatinde l' agghiu, sciungiti all' uegghiu 100gr. te pancetta nfumecata e fasciti cu frisce , sciungitini poi nnu cuppinu te salsa te prumitori  ( se teniti quiddhra fatta ccasa ete megghiu ) , fasciti coscere pe 5  menuti e poi sciungitini la marsala, quandu quista à svaporata, ciungiti nnu cuppinu te suppa te pasuli per ogne cristianu ca se l' à mangiare.
Li pasuli ca anu rimasti. passatili intra llu farnaru, cu ddentanu a purè, fasciti bbollire tuttu e poi sciungitini lu ranu cuettu.
Mentitini subbra lu petrusinu  mmascenatu e lu pipe niuru e purtati a ntaula bbollente.
Mangiatibbuli alla salute mia.

ZUPPA DI GRANO PESTATO CON FAGIOLI CANNELLINI

INGREDIENTI :

Grano secco ( una manciata per ogni commensale ),
Un cucchiaio di marsala vergine,
Una buona e brodosa zuppa di fagioli cannellini ( un mestolo per ogni commensale ed un paio di mestoli da frullare ) già preparata,
100 gr. di pancetta affumicata,
1 spicchio d' aglio schiacciato ,
1/2 bicchiere di olio E.V.O.
Un mestolo di salsa di pomodoro già cotta,
Prezzemolo tritato finemente, sale e pepe nero ;

PROCEDIMENTO :

Mettere a bagno dalla sera prima il grano in acqua fredda per almeno 12 ore.
In una casseruola mettere abbondante acqua salata e portarla ad ebollizione, sciacquare bene il grano ammorbidito e calarlo nell'acqua bollente perchè cuoccia, fatto lessare, scolarlo e metterlo da parte.
In una casseruola mettere 1/2 bicchiere di olio di oliva e farvi soffriggere 1 spicchio d' aglio schiacciato con la lama di un coltello, quando l' aglio sarà dorato, toglierlo ed aggiungere all' olio la pancetta affumicata per farla appassire, aggiungere un mestolo di salsa di pomodoro e si faccia in saporire a fuoco moderato per 5 minuti, si unisca il marsala e lo si faccia evaqporare, si aggiungano i fagioli cannellini nella misura di un mestolo per ogni commensale, un paio di mestoli si facciano frullare per renderli a purè, Si porti a bollore e si aggiunga un pugno di grano cotto per ogni commensale, si cosparga di prezzemolo tritato e si porti in tavola bollente.
Buon appetito