Giru sempre subbra lla rete
cu mme uardu ccenca ncete;
sta espera aggiu ttruatu
nnu gruppu neu ca mà piaciutu,
aggiu ulutu cu mme scriu ,
maggiu gghindatu comu nnu striu.
E nnu mbuei ca ddhri fetienti
senza mme tiscenu nienti
anu ccettatu la proposta
ca nia fatta, cce ssupposta!
E poi manu provucatu
tante respuste manu tatu,
a tuttu quiddhru ca screia
ncera sempre ci respundia.
Masculi, fimmene, tutti quanti
senza ffannu cumplimenti
manu musciata la maggia
ca ncete intra sta compagnia.
Pe stu fattu bb' aggiu dedicaatu
stu sunettu, c' aggiu cantatu.
Nessun commento:
Posta un commento