Quale ete l' arberu ca tenimu te cchiui intra llu Salentu ? ca etimu a tutti li scunfundi, addunca menu te pienzi nde pueti itere almenu unu ecchiu, ecchiu, tuttu rachitecu ca te pare ca staie te nnu mumentu a ll' autru cu mmore, tuttu sturtigghiatu, ca stae ddhrai te sieculi e ca quandu ene lu mumentu, mina nterra tante te ddhre ulie ca nisciunu ccoje, e tie iti tuttu ddhru bbene sprecatu ca nisciunu ole, eppuru iddhru lu duvere sou lu fasce.
Tutta l'Italia ete china te st' oru ca putia rrecchire tanta ggente, ma alli supermercati e alle salsamenterei ttruamu te quiddhru ca fannu puru in Cina, e le ulie noscie tocca nde le menamu ca nu lle usamu mancu pe concime.
Ci sienti li scenziati, quiddhri ca anu fatte le scole aute, e cca sapenu lu Grecu, ca olenu cu nni la fannu ssapire; tisce l' arberi te le ulie suntu stati purtati cquai te li greci ca ane mparati li Messapi cu nde fannu l' uegghiu.
Ieu, ca te grecu canuscu sulamente lu Politeama te Lecce, sacciu invece nnu cuntu ca pare se cuntanu li Peucezi prima ncora cu nnasca Ercole, e tandu li Greci nu ianu ncora sbarcati intra llu Salentu.
Stu cuntu parla te comu su nnati l' arberi te le ulie Salentini, ddhr' arberi ca ttrei sulamente a cquai, e mmo bbu lu cuntu puru a bbui sperandu ca bbu piasce :
Quandu nu ncera ncora la gricultura, la ggente te tuttu lu mundu fascianu li pecurari e scianu sempre ggirandu cu lle pecure cu ccercanu li terreni megghiu cu ll' erva ca le pecure putianu mangiare.
A ddhri tiempi nu sistianu ncora le ulie, nceranu tante foreste te arberi te lizza ca fascianu le iande cu sse mangiànu l' animali,pe cquistu li pecurari nu stianu mai fermi intra nnu postu ma se nde scianu sempre te nnu postu all' autru cu tutte le famiglie.
Nceranu tanti periculi, animali ce ulianu sse mangianu le pecure e lli puerci ca iddhri tenianu, latri ca ulianu sse nde li rrubbanu e le strate nu mberanu sicure.
Ma nceranu puru le ninfe mmienzu alle foreste, ca comu se sape scianu tuttu lu giurnu bballandu e sunandu lu tamburieddhru.
CCerti vagnunceddhri ca sta uardanu le pecure, le iddera e nu ssapianu ca iddhre eranu creature divine, e bballanu percene era lu mestieri loru, ma se pensanu ca eranu vagnone comu a iddhri e ncignara cu le sfuttenu, tescianu ca iddhri eranu capaci cu bballanu megghiu te iddhre e ca eranu cchiù bravi.
Le ninfe se ncazzara e fiscera nna sfida cu lli pastori ca ballanu comu sapianu ballare li pecurari, te modu grezzu e senza nisciuna eleganza, le ninfe invece eranu divine puru quandu ballanu e la differenza se idde bbona.
Alla fine le ninfe tissera alli pecurari :
 |
| COLLINA DELLE NINFE E DEI MESSAPI GIUGGIANELLO |
" Ca nu ssapiti ballare sà bbistu, ati ulutu cu sfidati a nnui ca simu ninfe Epimelidi, pè quistu mo bbu mmeretati nnu castigu ( e trasformara li pecurari a arberi, ma nu arberi qualsiasi, te ulia ) ".
Ddhru posto ete chiamatu te le ninfe e dde li fanciulli e sse ttroa a Sciuscianieddhru ( Giuggianello ).
Sta storia ni là cuntanta Nicandru ( II sec. a.c. ) allu secundu libbru te le Metamorfosi.
Nessun commento:
Posta un commento