PROVERBI E DINTORNI - l' arti e li mestieri antichi

LU CAPPEDDHRARU

Mesciu ca fasci le coppule.
famme nna coppula nfoterata,
spoterata, spiripinguli tagghiata.
Ci nu me la faci foterata,
spoterata, spiripinguli tagghiata,
nu te pacu nè la sfoteratura,
nè la spoteratura,
nè la spiripingula tagghiata

A lecce subbra lla via G. Matteotti llu numeru sitici, osce ncete nnu ristorante ca se chiama Yoice, ma fenca a cinquant' anni rretu, ncera nnu labboratoriu ca era te li Rella, intra ddhru labboratoriu se facianu li cappieddhri, beddhri elecanti, propiu pe lli signuri, ddhrai abbetaa lu nonnuma e puru nnu frate suo, ca quandu murera nci lassara tuttu lli fiji loru; ma dopu li tiempi cangiara, inne lu prucressu e l' industria e lli cappeddhrari nu tinnera cchiui fatia e chiusera.
Quandu ieu era picciccheddhru ca abbetaa cu nonnuma ddhrai, me recordu ca ncera nnu barcuncinu cu nna porta ca ncete ncora osce , ma stae sempre chiusa, tandu era sempre perta e se putianu bbitere li Rella fatiare,.
Fascianu cappieddhri , li nfurmanu, li steranu e li mentianu lla fenescia cu lli iscianu quiddhri ca passanu e cu sse li ccattanu.
Osce li cappieddhri se usanu picca e quiddhri ca bba ccatti lli necozi costanu cari percene su fatti te ditte mportanti , suntu Borsalino e li cappeddhrari te nna fiata anu muerti tutti e nu ncete cchiui nisciunu ca sape fare ddhr' arte.

IL CAPPELLAIO

A lecce in via Matteotti al civico 16, oggi possiamo trovare un ristorante chiamato Yoice, ma fino a 50 anni fa, c' era un laboratorio che apparteneva alla famiglia Rella, in quel laboratorio si confezionavano cappelli da uomo, belli, eleganti, per gente che poteva permettersi quella spesa, lì abitavano mio nonno ed un suo fratello  che alla loro morte lasciarono quell' attività ai propri figli;
ma purtroppo i tempi cambiavano , col progresso e l' industrializzazione, i cappellai non avevano più lavoro e dovettero chiudere quelle attività.
Quando, da piccolo, abitavo lì con mio nonno, mi ricordo che vi era un balconcino, che esiste ancora, ma oggi è sempre chiuso, mentre allora era sempre aperto, e si potevano scorgere all' interno i Rella lavorare.
Confezionavano cappelli, li formavano, li stiravano e li mettevano in bella mostra alla vista dei passanti per invogliarli a farseli confezionare.
Oggi i cappelli sono poco usati e quelli che si vendono nei negozi costano molto perchè prodotti da ditte importanti, sono Borsalino, mentre i vecchi cappellai sono tutti morti e non c' è più nessuno che sappia esercitare quelll' arte.