CCE SSE MANGIA OSCE ? - viaggio nella cucina salentina

Quando ddumi la televisione ccappa sempre ca se sta cerchi cu ttrei qualche programma ca te piace, ggirandu fra centenare te programmi,  nde ttrei sempre te cchiui ca sta parlanu te cucina, te fannu bbitere tanti te ddhri piatti cuscenati alli modi cchiu streusi ca nu sse capisce cchiui se li pueti mangiare o se l' à mintere intra lla cristalliera cu tutte ddhre cose ca nci tieni intra cu lle fasci bbitere lli amici ca enenu tte ttroanu.

Ormai l cucina à ddentata nna cosa te moda, tutti sapenu cucenare e bolenu lla fazzanu sapire allu mundu.

Ienu ca invece nu sacciu cucenare, ma ca me piace cu mangiu, aggiu tecisu ca scriu quiddhru ca a mie me piace cu mangiu e bbu garantiscu ca su tutte cose bbone, cicureddhre, zzanguni, cecore reste, pisce pescatu friscu, friscu.
Ete veru abbetu nnanti mmare e la campagna staie a ddo passi te casa mia; cce bbu aggiu tiscere suntu popriu furtunatu pe stu fattu a pozzu ttruare li posti menu nquinati e ccojere tuttu quiddru ca me piace lla staggione soa.

CCE SSE MANGIA OSCE ?

- RICCHITEDDHRE CU LLA RUCULA

- GNEMMARIEDDHRI

- FRUTTA E POI LI BBOCCUNOTTI

LE RICCHITEDDHRE CU LLA RUCULA

Cce serve ( pe 4 cristiani ) :

mienzu chilu te ricchiteddhre megghiu se fatte ccasa cu lle manu osce stesse, 350 grammi te rucula a campagna moi nci ndete quanta nde uliti, 4 alici, 2 fungiucculi te agghiu, casu pecurinu, uegghiu te ulia mo à ncignatu bbessa quiddhru neu.

Ddelessati la rucula intra ll' acqua, salata, quandu ete menza cotta,sciungitini puru le ricchiteddhre e lassati cocere tuttu nsieme.

Intra nna cuccuma scautati l' uegghiu e scattarisciatini intra l'  agghiu cu ll' alici.

Quandu s' anu cotte, sculati le ricchiteddhre cu lla rucula e mmescatile cu lli alici dopo ca ndati lliati li ddo fungiucculi te agghiu, mmescati tuttu e fasciti cocere ncora pe quarche menutu.

Mmenesciati tuttu intra lli piatti. menatini subbra nnu bbeddhru picca te casu pecurinu e mangiatibbule.

Pe secundu LI GNEMMARIEDDHRI

Cce serve :

nnu  chilu te trippa, 80 grammi te pane rattatu, 80 grammi te murtatella mmascenata, 80 grammi te casu pecurinu a scarde, nna cepuddhra piccicca, nnu fungiucculu te agghiu, uegghiu te ulia, sale e pipe niuru mmascenatu.

Tagghiati la trippa a trianguli randi cu lli putiti poi chiutere cu lli steccatienti, calatila intra nna quatara cu l' acqua salata e facitia ddelessare fenca ttantu nu ddenta bbedhra janca, poi stenditila susu nna taula cu sse ddefridde .

Mmescati lu pane rattatu cu llu casu pecurinu e la murtatella e spartitili susu lli triagulini te trippa e poi chiutiti la trippa cu lli steccatienti.

Intra nna cuccuma scautati l' uegghiu te ulia e fasciti rusulare il gnemmarieddhri cu l' agghiu e la cipuddhra, quandu sutu rrusulati, sciungitini la salsa te prumitori, fatta ccasa  ete meju, fasciti cocere tuttu pe nn' ura.

LI BOCCUNOTTI suntu li pasticciotti nesci o puru li fruttoni cu la cutugnata.

%&%&%&%%&%&%&%&%&%&%&%&%&%&%&%&%&%&%&%&%&%&%&%&%

 Quando accendiamo il televisore alla ricerca di qualche programma interessante. ci imbattiamo sempre più spesso in canali che parlano di cucina, ce la propinano in tutte le salse, ci fanno vedere piatti cucinati nei modi più strani per cui, a volte, ci assale il dubbio che quelli non siano piatti da mangiare, ma da esporre nella cristalliera di casa da esibire agli amici che vengono a trovarci.
Ormai la cucina è un fatto di moda, saper cucinare rende snob, tutti sanno farlo e vogliono farlo sapere al mondo.
Io che non so cucinare, ma amo mangiar bene, ho deciso di descrivere i piatti che mi piacciono e che appartengono alla tradizione Salentina e vi garantisco che nè l' occhio nè il palato ne risentono cicorielle, cardi selvatici, zangoni, pesce appena pescato.
E' vero, abito sul mare e gli incolti sono a quattro passi da casa mia; che dire, mi ritengo proprio fortunato, posso cercare luoghi più lontani dalle strade e meno inquinati e cogliere ciò che più mi piace nella stagione più adatta.