LA CUCINA SALENTINA ( bbu aggiu zzeccare a ' ncanna )

LE STACCHIODDHE CU LA SARSICCIA E LA RECOTTA
Nu muti sapenu ca le STACCHIODDHE suntu nnu piattu Brindisinu, ma lu facimu puru a Lecce,  nui però le chiamamu RICCHITEDDHRE.
A Latianu mo ni fannu puru la  " Sagra ti li STACCHIODDHI "

CCE BBU SERVE :
Mienzu chilu te ricchiteddhre, nnu quartu te sarsiccia te puercu senza la ntrama, 3 etti te recotta frisca te pecura, nnu spunzale, uegghiu te ulia, 3 etti te promitori te 'mpisa, la rucula frisca, casu te pecura rattatu ( cu nu bbessa peccante ) , sale, mieru russu e tiaulucchiu.


COMU ATI FFARE

Intra nna cazzarola mentiti mienzu bbicchieri te uegghiu te ulia ( evo tiscenu quiddhri ) , la sarsiccia e lu spunzale tagghiatu a fettine fine,fine e faciti suffriscere, dopu sciungitini nnu picca te mieru russu e mentre sta sfrisce menatini intra li prumitori tagghiati a 4 parti e ffasciti coscere tuttu pe ddesce menuti a fuecu autu, dopu mentiti lu sale e llu tiaulicchiu .
Cu nnu trinciu taggniati la rucula ( comu se face cullu petrusinu ) e mescatilu allu sucu cu lla sarsiccia, poi sciungiti la recotta e cu nna cucchiara te taula mescati tuttu cu sse mmiscanu bbueni li sapori.
Cucenati ( comu sapiti ui ) le ricchiteddhre e, dopu ca l' ati sculate menatile intra lla cazzarola cullu sucu sciungitini lu casu e mantecati tuttu.
Mentitile intra nnu piattu caute, caute e mangiatibbule alla facce mia.
Però alla fine quarchetunu cu mme tisce comu anu essute, armenu cu lla sacciu, ccussì poi me le cucinu ieu pe mmie.

ORECCHIETTE CON SALSICCIA E RICOTTA

OCCORRENTE :
500gr. di orecchiette, mezzo bicchiere di olio extra vergine di oliva, 250gr. di salsiccia di maiale senza il budello, 300gr. di ricotta fresca pecorina, una cipolla porraia fresca, 300gr. di pomodori a pendolo, una nanciata di rucola ( quella fresca spontanea che cresce dalle nostre parti ), formaggio pecorino dolce grattuggiato, sale, un po' di vino rosso, peperoncino.
PROCEDIMENTO :
Mettete in un tegame mezzo bicchiere d' olio Evo, fatelo scaldare ed aggiungete la salsiccia sbriciolata e la cipolla porraia tagliata a fettine sottili e fate soffriggere, aggiungete un po' di vino rosso e sfumate, aggiungete poi i pomodori a pendola tagliati in 4 parti e fate cuocere a fiamma alta per 10 minuti, regolate di sale ed aggiungete il peperoncino.
Tritate la rucola come se fosse del prezzemolo e mettetelo nel sughetto assieme alla ricotta mescolate il tutto con un cucchiaio di legno per far amalgamare i sapori.
Lessate le orecchiette in abbondante acqua salata e, dopo averle scolate, versatele nel tegame assieme al sughetto e fate mantecare, aggiungete abbondante pecorino dolce e servite ben calde le orecchiette BUON APPETITO.