PROVERBI E DINTORNI - bbu aggiu zzeccare a ncanna

BRASCIOLETTE TE PIPI RUSSI

Ce bbu serve :

 6 pipirussi mmescati, gialli,russi ,ierdi, beddhri ressi,

120 gr. te pane rattatu,

ddo cucchiare te chiappari,

ddo alici sutta uegghiu,

ddo cucchiare te pignuli,

nna cucchiara te passule te ua,

petrusinu,

salsa te prumitori,

casu pecurinu dusce rattatu,

uegghiu te ulia e sale:

Comu ati ffare :

Bbrusciati li pipirussi allu fuecu cu nde lliati la pelle,tagghiatili a ddoi e lliatindeni la semente;

intra nna tegghia te crita mentiti lu pane rattatu cu nna cucchiara te petrusinu mmascenatu, li chiappari llavati, li alisci mmascenati,li pugnuli, le passule ca ati mmuddhrate cu ll' acqua nnu picca scarfata, lu sale e nnu picca te pipe niuru mmascenatu, mmescati tuttu e mentitinde nnu picca subbra ogne mienzu piperussu, e chiutitilu a nvurtinu.

Mentitili intra nna tegghia te furnu ca ati unta cu ll' uegghiu, sciungitini nnu picca te sale e mentitini subbra la salsa te prumitori e llu casu pecurinu.

Mentiti tuttu intra llu furnu cautu a 200 gradi e fasciti coscere pe bbinti menuti

INVOLTINI DI PEPERONI

OCCORRENTE

6 grossi peperoni assortiti, gialli ,rossi, verdi,

120 gr. di pangrattato,

2 cucchiai di capperi,

2 acciughe in olio d' oliva,

2 cucchiai di pinoli,

un cucchiaio di uva passa amorbidita in acqua tiepida,

prezzemolo,

salsa di pomodoro,

formaggio pecorino dolce grattuggiato,

olio d' oliva, sale, pepe nero macinato:

PROCEDIMENTO :

Sfiammate i peperoni per togliere loro la pelle, spellateli, togliete i semi e tagliateli a metà:

In una terrina mescolate il pangrattato con un cucchiaio di prezzemolo tritato, i capperi risciacquati, le acciughe triturate,i pinoli, l'uvetta, il sale ed un pizzico di pepe.

Mettete un po' di questa farcia su ogni mezzo peperone e fatene degli involtini.

Prendete una teglia da forno ed ungetela di olio d' oliva, posatevi dentro gli involtini e spruzzatevi sopra un po' di sale,fino, cospargeteli di salsa di pomodoro e pecorino.

mettete la teglia in un forno già caldo a 200 gradi e fate cuocere per 20 minuti

Superfluo decantarne le doti ed il sapore.