PROVERBI E DINTORNI - bbu aggiu zzeccare a ncanna

OSCE PISCE PE TUTTI -
                                               LE TREGGHIE CU LLU PETRUSINU

CCE BBU SERVE :
12 bbeddhre tregghie ; l' acqua te lu mare ( se eniti cquai a mie bbu la tau ieu ) ; mienzu bbicchieri te uegghiu te ulia ( a cquai a nnui nci ndete ncora bbuenu, se nu nni nde ttagghianu tutti l' arberi ) ; mienzu bbicchieri te mieru jancu ; nna cucchiara te sucu te limone ; tantu, tantu petrusinu mmascenatu e nnu fungiucculu te agghiu


COMU ATI FFARE :

Llaati le tregghie e lliatinde le scame, attenzione ca le tregghie suntu comu a Donna Tennerina pe cquistu me raccumandu cu ssiti mutu tilicati.
Intra nna cazzalora bbeddhra spansata, cu nci stescianu tutte le tregghie curcate, mentiti l' uegghiu te ulia e le tregghie llaate curcate una ncoste a llautra cu sse coscenu nnu picca pe parte a fuecu lientu, ntesati lu fuecu ( attenti cu nu bbu bbrusciati ) e sciungiti lu mieru jancu cu bbollisce e cu svapora,  poi sciungiti nna cucchiara te sucu te limone, bbasciati ntorna lu fuecu e ncuperchiati la cazzalora, fasciti cocere a fuecu lientu pe ddesce menuti.
Prima cu stutati lu fuecu, spargitini lu petrusinu mmascenatu e nnu fungiucculu te agghiu .
Menesciati le Tregghie bbeddhre caute e mangiatibbule ca tenenu nnu sapore ndilecu


OGGI PESCE PER TUTTI
                                               TRIGLIE AL PREZZEMOLO      

Occorrente :
12 belle triglie ; acqua di mare ( se venite qui da me ve la fornisco io ) ; 1/2 bicchiere di olio EVO ( qui da noi se ne trova ancora di quello buono almeno finchè ci lasceranno qualche albero sano ) ;
mezzo bicchiere di vino bianco ; un cucchiaio di succo di limone ; tanto prezzemolo tritato ed uno spicchio di aglio

Procedimento :
Lavate le triglie con  l' acqua di mare e togliete delicatamente le squame ( con molta attenzione perchè le triglie sono come donna Tennerina, si sciupano molto facilmente ).
In una casseruola larga e bassa, si versi 1/2 bicchiere di olio d' oliva e si adagino le triglie una accanto all' altra, si facciano cuocere a fiamma moderata prima da un lato e poi dall' altro; si alzi la fiamma e si spruzzi il vino bianco per farlo evaporare, dopo di ciò si versi un cucchiaio di succo di limone ,si abbassi la fiamma e, dopo aver messo il coperchio alla casseruola, si facciano cuocere per dieci minuti ancora.
Prima di spegnere il fuoco, versare addosso alle triglie abbondante prezzemolo assieme
ad uno spicchio d' aglio.
Servire le triglie calde e mangiarle gustando il loro sapore delizioso