IEU SUNTU PAPA CAJAZZU
FASCITI COMU IEU BBU TICU
MA NU FASCITI COMU IEU FAZZU
 |
LA FOTU CU LLU PAPA
Te papa Cajazzi nci nd' ete a tutti li paisi e de culacchi ca se cuntanu nci nd' ete sempre te nei.
Mute fiate però puru le biatille fascenu la parte loru e li culacchi li sapenu facere megghiu te li prieveti ca picca nde olenu pe lu male passu.
Quandu papa Cajazzu era ncora giovene, sapimu ca nu tenia nna chiesia soa, e , pe stu fattu scia ggirandu pe lle chiesie te nnanti llu paise sou cu ddescia nna manu lli prieveti ca nd' ianu bbesuegnu.
nci fose nnu periudu ca stese a Muntruni e nnu giurnu idde ca nna cristiana sta ggiraa curiusitusa intra llu stutiu sou,se vvicinau e nci ddummandau ci pe cci sa ia bbesuegnu te quarche cosa.
DDhra cristiana nci respuse :
" Papa, ma tie nu tieni nuddhra fotografia cu llu papa ?"
" No, nu nde tegnu " respuse papa Cajazzu
" Sai percene neputema intra llu studiu sou nde tene ddoi soi cu llu papa " sciunse ddhra biatilla
Papa Cajazzu la uardau e nci respuse ntorna :
" Sai ieu nu tegnu nuddhra fotu cu llu papa, ma sacciu ca iddhru, intra llu studiu sou, nde tene una cu mie ".
LA FOTO COL PAPA
Di papa Galeazzi ce ne sono in tutti i paesi, e di culacchi che se ne raccontano ce ne sono sempre di nuovi.
Molte volte, però, pure le bigotte fanno la loro parte ed i culacchi li compiono meglio dei preti, che sanno bene come rispondere per le rime.
Quando papa Galeazzo era un giovane prete, sappiamo che non aveva ancora una propria parrocchia, perciò girava per le parrocchie del circondario per aiutare i parroci che ne avevano bisogno; un periodo lo trascorse pure a Monteroni ed un giorno vide una donna che si aggirava curiosando nel suo studio, si avvicinò e chiese se per caso avesse bisogno di qualcosa.
La donna gli rispose :
" Padre, ma tu non hai nessuna foto con il papa ? "
" No, non ne ho " rispose papa Galeazzo
" Sai, perchè mio nipote, nel suo studio, ne possiede due sue col papa" soggiunse la bigotta
Papa Galeazzo la guardò e le rispose ancora :
" È vero io non ho una mia foto col papa, ma so per certo che lui ne ha una con me nel suo studio ".
Nessun commento:
Posta un commento